Yesus maringi pasemon bab bocah wadon sepuluh sing methukake penganten lanang. Sing lima nggawa lampu lan sangu lenga, sing lima nggawa lampu nanging ora sangu lenga. Udakara sak wetara, diabani penganten lanang teka. Sing ora sangu lenga, isih kudu tuku lenga. Sing sangu lenga, melu kembul bojana lan korine ditutup. Yesus weling: mulane padha siyaga, awit kowe ora ngerti dina lan wancine.
Sing sangu lenga, siyaga kapan penganten teka, dikon mlebu tanpa syarat maneh. Ora kok njur ditakoni asale, umure, pegaweane, utawa rupa elek apa ayu lan liya-liyane. Ora, sing siyaga kabeh dikon mlebu lan melu kembul bojana. Saiba kepenake sing siyaga.
Kita kabeh kudu siyaga awit ora ngerti dina lan wancine Kratoning Allah bakal teka. Siyaga iku uga terus mbudi daya karaben ing donya, urip bebrayan, iso kaya urip ing swarga, kebak katentreman. Iku lenga sing kudu digawa anggone urip ing ndonya iki, nggawa lenga iku mujudake siyaga kita.
Gusti nyuwun gunging berkah sageda tansah siyaga ing urip padintenan punika.