Ing waosan dina iki, Gusti Yesus paring pasemon bab talenta. Sing diparingi talenta lima, mbalekake lima ditambah bathi lima. Sing diparingi rong talenta uga mbalekake loro ditambah bathi loro. Sing diparingi siji, talentane dipendem, ora ngawe kasil malah isih matur: (panjenengan) ngeneni ing enggen ingkang boten panjenengan sebari, nglempakaken ing enggen ingkang boten panjenengan dhedheri.
Kita kadang kaya sing diparingi talenta siji, ora gelem ngupakara apa sing wing diparingake Gusti. Talenta itu rahmat (bakat, semangat, kemampuan, lly) wis diparingake Gusti tanpa syarat. Rahmat aja disimpen. Kudu upakara supaya tukul, ngrembaka, lan awoh ing urip bebrayan.
Kita uga dielingake supaya ora kaya sing diparingi talenta siji, nyalahake wong liya kanggo nutupi yen ora kalap nyambut gawe. Watak kaya mangkono dudu sing dikarepake Gusti. Yen salah, yawis ngaku salah, njaluk ngapura lan usaha supaya ora nglakoni salah maneh.
Gusti nyuwun agenging rahmat kangge ngraosaken tumindak ingkang klentu tanpa nyalahaken tiyang sanes. Amin.