“Aku uga kudu maringake warta kabungahan bab Kratoning Allah marang kutha-kutha liyane; awit itu ayahanku anggone diutus.” Iku mau sabda Yesus sawise nyarasake wong akeh kang nduweni lelara lan uga kang karasukan roh suker. Wong-wong padha ngondeli supaya Yesus tinggal ing kutha kono lan ora perlu menyang kutha liyane.
Nyarasake wong kang katulah lelara utawa karasukan setan iku ditindakake Yesus nanging tugas utamane nyebar kabar kabungahan. Kita murid-murid Yesus uga diutus nyebar kabar kabungahan bab Kratoning Allah. Sarana apa? Apa wae bisa didadekake sarana, akeh wujude. Nanging dadi tulada urip salaras karo Sabda Dalem, sing utamane nduweni tresna marang sapadha-padha, iku bisa dilakoni sapa bae.
Gusti nyuwun rahmat sageda tansah asih tresna marang sok sintena ingkang kula ditemoni ing dinten punika. Amin.