“Ibuku sarta sadulurku iku wong kang ngrungokake serta nindakake sabdaning Allah.” Ing dina iki Injil anggitanipun Santo Lukas nyriosaken bab Ibu lan sadulur-sadulur Yesus kang sami madosi Yesus. Mboten benten kaliyan Injil anggitanipun Santo Markus lan Santo Mateus (injil sinoptik).
Sanes bab bener utawi peneripun sabda kumau, menika sampun wonten ahlinipun. Kita umat Dalem Sang Kristus, ingkang dados muridipun Yesus kanthi satrusing manah temtu mongkok amargi dados sederek Yesus. Kita sanes tiyang sanes, sanes tiyang luwar kalangan, nanging saderek. Saderek punika sanes ingkang nduweni trah, katurunan. Amargi napa? Amargi kita sedaya mireng lan nindakaken Sabda Dalem.
Ing dinten-dinten menika kita tansah diemutaken supados: marak sowan, midangetaken, lan nglampahi dhawuh-dhawuh Dalem. Kita para sederek Yesus sedaya dipun eguhaken sageda mujudaken swarga wonten ing padintenan: nduweni rasa adil, rasa asih tresna marang sapadha.
Gusti Allah nyadong rahmat sageda tansah nduweni sih tresna lair batin marang sapadha ing urip bebrayan. Amin