Waosan ing Peringatan Pesta Santo Matius, Rasul lan Penulis Injil, nyritakake piye anggone Mateus kang lagi jaga ing pabeyan, diajak Yesus kembul dahar. Mateus tanpa wigah-wigih, tanpa takon lan menehi syarat, langsung mangkat nanggapi dhawuh Yesus: nNdereka Aku.
Yesus ngajak Mateus (lan kanca-kanca liyane) dudu karana Mateus iku pinter, lantip, sehat, wong kang unggul lan akeh ibadah. Dudu. Mateus kaya pemungut beya liyane, ing masyarakat dianggep wong sing akeh dosane. Pemungut beya dianggap dadi mungsuh wong Yahudi sabab dadi wakil Romawi. Akeh pemungut beya sing nguntet duit beya, yen ing jaman saiki seneng korupsi. Mulane wong Yahudi bingung lan takon karo murid Yesus: kok malah kumpul karo wong sing gedhe dosane?
Jawaban Yesus iku banget ngagetke, sepisanan: ngutip wulangane Nabi Ose: Kawelasan kang Dakkersakake lan dudu kurban. Ini nandesake bab hubungan karo Allah sing utama dudu ritual nanging kawelasan kanggo sapadha-padha. Kapindone, tekane Yesus iku kanggo wong sing nduweni dosa, dudu wong utama. Kita kabeh, wong sing isih akeh dosa, diajak nampa ajakane Yesus: nDereka Aku. Ajakan kang tanpa syarat, mula uga perlu kita tanggapi tanpa rasa wedi lan risih: nderek lan dadi murid Yesus, ngrungoake lan nindakake Sabda Dalem nuju urip utama lan langgeng.
Gusti nyuwun rahmat sageda tansah nderek Sabda Dalem ing urip padintenan punika. Amin.