Ing dina ini, ing waosan Injil Yesus ngaturi donga sing saiki kondang jeneng Rama Kawula, Bapa Kami, Pater Noster. Yesus akeh menehi pengajaran lewat pasemon nanging ya mung iki donga sing diajarke.
Ana catetan bab donga upaya sembayang sing diajarke Yesus dhewe. Sapisan, piye olehe sembayang ora diajarake. Apa ngadeg, lingguh, teturon, jengkeng, madep ngetan, ngadep ngulon, lan liya-liyane dibebaske. Ing waosan liya ana ajaran: yen arep sembayang, mblebua kamar. Iku arep mbedake karo wong Yahudi sing senenge pamer bab sembayang. Sembayang iku dudu karaben diweruhi sakiwa tengen. Sembayang iku wawan rembuk karo Gusti piyambak.
Kapindo, sebutan sing trep kanggo Gusti Allah iku yo Rama Kawula. Krasa akrab lan nyatakake yen kita putra lan putrining Gusti Allah dhewe. Sembayang iku wawan rembuk lan crita karo wong tuwane dhewe mestine ora ana jarak, akrab. Gusti Allah dudu adoh nang kana embuh endi, kuwasane marakake padha wedi arep nyedak, nanging ana cerak kene wae lan sebutan Rama-Bapa iku pancene trep.
Gusti nyuwun berkah supados sageda seneng ndedonga kanthi rasa akrab.