Waosan dina iki (Yoh 11:19-27) kanggo mengeti Pahargyan Wajib Santa Marta, Maria, lan Lazarus. Wong telu iku kekancan karo Yesus kanthi caket, rumaket. Mulane Lazarus wis kapundut patang dina kepungkur, ditangekake saka pati. Ing dina iki kita nyumurupi kepiye kapercayan Marta sing magel diwutuhake. Marta percaya Lazarus bakal ditangekake ing dina tangining badan. Nanging amarga Sabda Yesus: Aku iki kang jumeneng tangining badan lan urip; sing sapa ngandel marang Aku, sanajana wis mati pisan bakal tetep urip (Yoh 11: 25), Marta tekan pangerten lan kapitayan sing wutuh ora magel. Inggih Gusti, kula sampun pitados, bilih Panjenengan punika Sang Kristus, Putraning Allah ingkang asipat gesang. (Yoh 11:26).
Kita kabeh temtu nduweni rasa seneng yen bisa kekancan kanthi caket, rumaket karo Yesus. Amarga Yesus iku warta kabungahan. Sakabehe digawe seneng, digawe mesem sumanak.
Gusti nyadong rahmat supados saget tansah caket rumaket kaliyan Yesus lan tansah mbagi esem lan kabungahan dumaten sedaya kemawon.