Yesus dina iki nganggo pasemon bab jala kanggo ngambarake urip manungsa. Pasemon kang warna-warna iku yen dipenggalih kanthi permati ngambarake: urip sing diberkahi lan kebebasan manungsa. Urip manungsa iki berkah saka rasa sih Allah, tanpa syarat apa-apa. Allah wis ndisiki mujudake rasa sih tanpa syarat.
Bebarengan karo roso sih iku, manungsa oleh kebebasan milih dalan urip. Apa ya urip sing mung kaya wiji tiba nang karang padas, urip terus mati sak lawase. Apa urip sing kaya wiji tiba terus dithotol manuk. Apa urip sing kaya wiji tukul nang lemah subur, ngrembaka, awoh kasaenan kanggo wong sak kiwa tengen. Iku kabebasan kita.
Ing mbesok, pungkasane urip, bakal ana pemisahan antarane wong becik lan wong ala. Wong ala bakal ngalami tangis lan keroting untu. Itu gambaran sing ora kepenak, lan wis ora bisa apa-apa maneh.
Mula Gusti Yesus uga ngendika: sing nduwe kuping, rungokna.
Gusti nyadong berkah, sageda nuwuhake rasa sih ngadepi warna-warna kadadeyan, kanyatan ing urip padintenan. Amin.