Pasemon bab wong Samaria iki dingendikake Yesus sawise wong sing takon iku ngerti lan apal apa unine angger sing paling utama kanggo nduweni gesang langgeng. Nanging wong sing ngerti lan apal unine angger isih golek cara yen dheweke iku bener kanthi pitakonan: sinten sesami kula?
Wis bola-bali Yesus ngendika bab sadulur dan sapadha-padha. Tapi pasemon bab wong Samaria iki nunjukake kanthi tindakan sapa sing dadi pepadhamu. Dudu imam lan dudu wong sing luhur ing masyarakat sing kudu diconto tapi malah wong Samaria, sing satrune wong Yahudi, sing nulung wong sing dibegal iku. Kanthi mangkono Yesus menehi pelajaran: pepadha iku sapa wae sing trenyuh, nduweni rasa welas, gelem repot, lan kelangan kanggo wong sing mbutuhake bantuan. Iku tindak belarasa sing banget-banget anggone kita kudu tumindakke. Sabda Yesus: Wis mundura lan tumindaka mengkono uga.
Gusti nyuwun berkah sageda tansah nduweni manah ingkang alus ngerteni kesusahan sok sintena kemawon ingkang kepanggih ing urip bebrayan punika. Amin.