Ing waosan dina iki, Yesus paring ‘Sabda Rahayu’ cacahe ana sanga. Temtu kabeh sabda iku becik lan kudu dilaksanaake murid-muride termasuk kita kabeh. Rahayu utawa rasa bahagia iku ada dasare, yen kita ngalami apa wae sing dadi dasar iku bakal ngalami rahayu.
Rahayu wong kang ambeg welas, awit bakal genti nampa piwelas.
Rahayu wong kang resik ing ati, awit bakal nyawang Allah.
Loro Sabda Rahayu krasa banget ing dina-dina iki. Dudu amarga sabda sing liya ora penting, nanging ing Pahargyan Riyaya Kabeh Wong Suci kang tiba ing tanggal 1 November, krasa banget anggone bisaa kita melu nyawang wajahe Allah. Piye carane? Tansah nduweni rasa kamanungsan, rasa welas asih marang sapada, kanti manah kang ora nduweni niyat ala, jujur ing samubarang gawe, bakalan tinampa becik ong ngarsa Gusti Allah.
Gusti nyadong rahmat sageda tansah nduweni rasa welas sih marang sapada-pada kanthi manah kang jujur ing urip padintenan. Amin