Waosan dina iki (Mrk. 8:34 – 9:1) isih ngenani nderek Gusti. “Sing sapa arep nderek Aku, kudu nyelaki awake dhewe, manggul salibe, lan ndereka Aku.” Ana syarat telu nderek Gusti Yesus: nyelaki diri, manggul salibe, lan nderek Gusti. Nyelaki iki ing basa Indonesia luwih gampang ngerteni: menyangkal. Nyelaki iku ngemot pangerten: wis ora nduweni pangarep dhiri, lan musatke marang kersaning Allah. Manggul salib kui kena diarani nerima kanthi bungah ing manah yen ana kesusahan, ruwet ribeting ngaurip lan tansah ngendelke Gusti.
Manungsa iso ngliwati syarat loro itu: nyelaki awake dhewe lan manggul salibe ya amarga netepi syarat katelu: nderek Gusti. Yen ora nderek Gusti, manungsa bakal kangelan ngeculake pepinginan dhiri lan nerima marang apa sing ora dadi pepinginane. Nderek Gusti iku, nderek apa sing dikarepke Gusti marang kita. Iku sing bakal nuntun nglewati pepinginan sing ora pener, kuat nyandang urip sing ora gampang kanthi rasa seneng lan nemoni rahayu.
Gusti nyadong rahmat sageda tansah eling nderek Gusti ing urip bebrayan punika.