Waosan dina iki isih padha isine karo waosan dina wingi lang wingine. Dina iku tulisan Johanes, wingi saka Matius. Johanes iku nulis Injil kanggo wong-wong Yahudi sing wis ngrasuk budaya Helenis utawa Yunani. Beda karo Matius (lan Markus) sing nulis kanggo wong Yahudi sing ngrasuk jadi kristen. Beda maneh Lukas sing nulis kanggo wong non-Yahudi.
Marga iku, maca Injil sing papat ya bakal ketemu beda-beda ungkapan. Tergantung tulisan iku awal diarahake kanggo sapa. Nek wong Yahudi sing durung kenal budaya Helenis tentu angel kanggo ngerteni: ‘awal mulane iku Logos (Iman)’. Logos iku muncul ana ing budaya Helenis digawa para filsuf. Wong Yahudi dhewe ana sing nyingkiri budaya liya, cukup percaya karo apa sing dititahake para nabi lan aturane ana ing pentateuch. Kanggo wong Saduki, wong Yahudi sugih uga turune dadi imam ing bait Allah, mesti angel nampa sing jenenge: wungu saking seda (urip maneh sakwise mati). Bagine wong Saduki, urip iki ya nang kene, saiki.
Isih akeh maneh sing bisa dingerteni yen arep sinau latar belakang penulisan (konteks) Injil. Ning kabeh mau, kanthi pikir lan bathin kang wening tekan: ajaran utama tresna marang Allah lan tresna marang sapadha. Iku cukup kanggo awal cekelan: tresna. Sakteruse sumangga kemawon.
Gusti nyuwun rahmat sageda tansah nduweni rasa tresna. Amin.