Waosan dina iki saka Injil Lukas (Luk. 24: 13-35) ngenani murid loro sing dibarengi Gusti Yesus mlaku tumuju Emmaus. Yesus paring panjelasan bab Sang Putra sing kudu disedani nanging wungu saking seda. Murid loro iku ora ana sing nyadar yen sing ketemu nang ndalan lan ngajak guneman iku Yesus. Sakwise dimanggaake, dhahar, nembe padha sadar yen iku Yesus. Terus gage balik nang Yerusalem. “Atiku mau rak wis murub ing njroning dhadhaku, dhek nalikane Gusti ngendika ana ing dalan, narbuka isining Kitab.”
Ketemu Gusti itu uga krasa lewat ati kang murub, deg-degan banter banget, tukhul semangat pas ngrungokake Sabda Dalem. Krungu, maca Sabda Dalem iku marakake bungah ing ati, murub nandakake semangat kanggo ngadepi padinan. Yen wis ngono, ati kang murub mawujud dadi tindakan. Nindakake apa sing dadi Sabda.
Gusti nyadong rahmat sageda tansah nduweni ati kang murub maujud tindakan ing urip bebrayan iki.