Dina ini Gusti Yesus nemoni para murid kanggo: mestekake: wis wungu saking seda, kabeneran apa sing dadi Sabda Dalem, lan ninggal pesen. Pesene ‘bab pamartobat minangka pangapuraning dosa ana ing Asma Dalem bakal kawartakake marang kabeh bangsa, wiwit saka Yerusalem’ (Luk. 24:47).
Pangapuraning dosa iku nglengkapi apa sing wis diajarake lan diwujudake kanthi tumindak: tresna. Tresna Allah iku wis ndisiki, manungsa nduweni kabebasan. Saka kabebasan iku manungsa milih dalan ngadoh saka tresna Dalem. Pamartobat (saka manungsa) lan pangapuraning dosa (saka Allah), iku sing marakake manungsa tetep nduweni harapan ing urip tembe mburi. Tanpa pangapuraning dosa lan pamartobat, manungsa ora bisa pikoleh urip langgeng. Manungsa wis ora nduweni harapan maneh.
Gusti nyuwun gunging tobat saking kathahing dosa kawula. Amin.