Dina iki (Minggu 4 Juni 2023) pengetan Riyaya Tritunggal Mahakudus. Ing sasi Juni akeh pengetan, sesuk tanggal 11 Juni 2023 pengetan Riyaya Tubuh dan Darah Kristus, Jumat 16 Juni Riyaya Hati Yesus Sing Mahakudus. Durung pengetan klairan Yohanes Pembabtis, Santo Petrus dan Paulus lan sak panunggalane. Iku kabeh perlu kanggo terus ngurubake geni tresna ana ing ati.
Yen Sabtu wingi waosan menehi pituduh supaya percaya kanggo mangerteni (https://gagatrina.xyz/blog/2023/06/03/ngandela-bakal-mangerti/), ing dina Riyaya Tritunggal Mahakudus ini pituduh iku krasa banget. Akeh bapa suci lan wis nulis soal Tritunggal, pribadi telu nanging nyawiji. Siji loro tulisan pernah tak waca kanti permati. Ning tetep wae aku sing cubluk lan bodo iki ora bisa nyritakake tulisan iku kanthi marem. Wis ben wae iku dadi bageyan wong pinter kanggo nerangkake, aku milih: ngandel.
Gusti nyuwun berkah kangge sageda tansah nduweni pangandel ing Allah: Bapa, Putra, lan Roh Kudus. Amin