Waosan dina iki (Mat 9:9-13) ngambarake iman Matius, juru mapa bea, sing ora akeh pertimbangan sawektu Yesus nari: Ndereka Aku. Matius langsung mangkat nderek Yesus. Tentu Matius wis ngerteni ajaran lan sing ditindakake Yesus. Yesus ngajak kekancan karo wong-wong sing dianggep nduweni dosa lan disingkiri imam-imam Yahudi.
Iman Matius kegawa saka rasa ditresnani, diwongke, lan dianggep karo Yesus. Kita uga ditersnani Gusti Allah, tansah diapura dosane, tansah nduweni kabebasan nanggepi tresna Gusti. Yen kita mikir lan ngukur gedhene tresna iku, mesti bakalan ajeg nderek titah Gusti. Kita nduweni rasa syukur sing ora mandeg, apa wae kahanane. Lewat maca Kitab Suci, saben dina, kita nganyarake iman lan kapitadosan. Iman lan kapitadosan iku maujud ana tumindak ing urip bebrayan. Tresna marang Gusti iku maujud tresna marang sapadha-padha, sapa wae ing urip bermasyarakat.
Gusti nyadong berkah, sageda nderek Gusti mawi sih tresna marang sapadha ing urip bebrayan punika. Amin