Waosan dina iki dijupuk saka Injil anggitane Yohanes (Yoh. 1:35-42) nyritakake kepiye murid kang sapisan iku nderek Gusti Yesus. Andreas, murid mau, murid Yoanes iku krungu Yoanes nyebut: “Delengen iki Cempening Allah” (Yoh. 1:36) terus tutburi nderek Yesus. Pas didangu Yesus kenapa tutburi, Andreas njawab: Rabbi, dalem Panjenengan menika pundi? (Yoh. 1:38). Saka iku Andreas nderek Gusti Yesus.
Alesan awal nderek Gusti Yesus iku warna-warna tur sederhana. Ora kok kudu nduweni alesan sing mirunggan: mangerteni Gusti lewat Sabda-sabda Dalem. Ora. Cukup kaya Andreas pingin ngerti omah panggonan Yesus tinggal kang oleh gurune (Yoanes) disebut Cempening Allah. Mengko sakwise nderek Yesus bakalan diubah, dimangerteni lewat sabda lan tumindak welas asih (ngusir setan, marasake wong sing lara, lsp). Sabanjure bakal mangerteni apa sing kudu ditindakake amarga nderek Gusti Yesus: nyebarake Kabar Kabungahan.
Gusti Allah nyuwun agenging rahmat sageda tumut nyebaraken Kabar Kabungahan ing urip padintenan punika. Amin.